Vawleicung nu Tenis lentecelh a thiam bikmi Maria Sharapova cu Agnieszka Radwanska nih Miami ah 7-5 6-4 in Sony Ericsson Open ah a tei.

Vawleicung No. 4 nak a simi Radwanska, 23, nih Russian nu cu Florida hardcourt championship ah a tei i a voikuanak WTA title a hmuhnak a si, cun 2012 ah a voihnihnak teinak a si. Maria Sharapova, 24 a simi nih Pole cu 7-1 in a tei i Miami i a sunghnak hi a vuilinak a si.

Radwanska nih Venus Williams cu quarter-finals ah tei i Marion Bartoli cu semi-final ah a tei. Radwanska cu ni kum khan teinnak a voikuanak a conglawnh a si cang. Sharapova tu hi sung leiah a kal chinchin ve. "Hi tiang na phaknak dingah na thil dan a tha tuk"a tiah Sharapova nih a thangtthat.

Radwanska hi tu kum chungah voikhat vawleicung No. 1 a simi Azarenka sinah a sung. 2005-06 le 2011 ah a pahnih ttile a lami Sharapova cu 45 palhnak in a lentecelhnak cu a donghter (a sung).