Global Chin News

Friday, Dec 19th

Last update08:56:10 PM GMT

SSA: Myanmar Online News A Lih

alt
Shan State Progress Party/Shan State Army (SSPP/SSA) nih Myanmar Online News ṭialmi ‘SSA nih Monghshu township um Burmese minung, khua in a ṭhawl hna’ timi kha chirhchan a um lomi sual kawlnak a si tiah lehrulh in, a ti.

SSA biachimtu Maj. Sai Lai nih SHAN News Agency sinah, “Burmese miphun, khua in an ṭhawl hna timi kha a dik lomi a si. Asinain, dinhdorhnak (exception) pakhat in, Monghsu um dinti laaknak hmun kiang i leitang thilchuak kawl le thingkung hau kan khap. Miphun thlir in khapmi a si lo, Shan an si ah, Burmese an si ah, ahopaoh khap an si. Zeicatiah, hika hmun ah khua a sami laihlum mibu nih an nunpum pawcawmnak hrangah mah hi kokek tuupi hi an tohmi a si i, dinti laak hin dahkaw, cinthlaknak in, an paw an cawm cu” tiah a ti.

Myanmar Online News nih April 29 ah a ṭial i, “Chaklei Shan State, Monghshu peng, Loi Hsawng Htao kiang khuasa Burmese miphun, hranhram in, ni 7 chungah khua chuatak dingin, dawi an si. Khua an chuahtak lo ahcun, an inn le thilri, mei in duah ding a si” tiah a ṭial.

SSA commander (ralbawi) pakhat nih, “Lam hlapi in, miphun kip cawh, Burmese tel in, hika hmun ah sui cawhkawl ah an rak ra. Asinain, kokek leitang chuak le thingram hngatchan in, a paw ai cawmmi laihlum mibu nunnak hi an hmaizah awk a si. Laihlum mibu nih an kokek leitang thilchuak le thingram runvenpiak an ka fial bantukin, sui cawhkawl le thingkung hau, ahohmanh kan sianh hna lai lo…Mah hihi Burmese pawl kan huat hna ruangah a si lo i, kan namneh hna zong a si fit lo. Laihlum mibu nunnak hrawk a duhmi minung paoh, kan ral hna lai” tiah a ti.

Laica Kong

Interview Biahalnak

Minthang Thawng

Contact Us

Mailing Address
GLOBAL CHIN
MEDIA GROUP

215 Sand Beach Bvld,
Apt 107

Shreveport, LA 71105
USA

globalchinnews@gmail.com
_________________

Global Chin News is a non-profit news agency