Caan karlak thimnak ah teinak a hmutu NLD he kutsih in ram caah rian kan ttuan tti lai tiah President Thein Sein nih nizan ah a chim.

Kan Kawlram pi daihnak ding ca le tthanchonak ding caah NLD he kuhsih in rian kan ttuan tti lai tiah Combodia i ASEAN summit meeting an tuah lio i Janpan Media agency NHK nih biahalnak an tuahnak ah President Thein Sein nih a chim tiah RFA thanhca nih a ttial.

Cu ve bantuk in ASEAN zong nih Kawlram cozah lei ttang in nitlak ram hna nih Kawlram cung ah a chiahmi khenkhamnak hna thlahdorhter ding ah nawlpat ding aa tim ve. Tu thla dih lei hrawng ah President Thein Sein cu Japan ah kal in Japan ram i ODA hmuh khawh tthan ding ah Japan cozah he biaruahnak a va ngeih hna lai.