Global Chin News

Tuesday, Sep 30th

Last update08:22:29 PM GMT

Ralkap Nih Ahohmanh Hal Loin ‘Myanmar’ Tiah Min An Rak Thlen: Suu Kyi

Aung San Suu Kyi nih Kawl cozah thlauhmi “Burma ti, ti hlah” tiah an timi kha a al hna, ka ram min cu ka duhning paoh in ka auh khawh ko, tiah Cawnnihnih ni, nizan ah a ti.

Kan hnu zarh ah, Kawlram Election Commission nih Thailand le Europe Suu Kyi a tlawn lio i Burma tiah a biahman kha an rak soisel.

“Dimawkaresi tlaihtleng ning (principles) in zolongte in khatikhan min ka auhnak a si” tiah Suu Kyi nih Rangoon i a tlung hnu, Zarhteni i a voikhat press conference ah a chim. Hnulei robia zoh in a chimmi cu – General Saw Maung nih kum 1991 i Burma ti kha Myanmar tiah a rak thlen lio ah, Burmese miza aho ruahnak hmanh hal hmasa loin min thlen awkah bia a rak khiah – a ti.

Tuandeuh lio Kawl ralkap cozah nih ‘Myanmar’ tiah ramdang cozah hna nih auhpiak dingin nawlnak an rak tuah; rammin an thlenmi hi ‘political test’ a si.

 THEWIP website ah, Cesar Chelala, nih Cawnnikhat ni ah khan ca a ttial; Suu Kyi nih amah nawlvo ngeihmi in, ‘Burma’ a tinak kha a si i, a ti peng awk a si ko. Vawleicungpi nih tuandeuh Burma ralkap cozah kha (an ziachia a tam ruangah) sual an rak phawtmi hna an si. Ralkap cozah hlun nih Parliament cozah thar sinah ram nawlngeihnak zeimawzat a pek cang hna nain, ramchung ah thil a cangmi  hi (Kawl ralkap cozah hlun nih) a control rih ko ti hi a fiangpup ko” tiah a ttial.

“Aung San fanu dirhmun in, dimawkaresi le nuhrin covo caah dinhcaan ngei loin, luh a rak hlinhmi a pa (Aung San) kha ruahtthan tikah, Aung San Suu Kyi nakin Kawlram a minhlun in kawhnak nawl a ngei deuhmi ahohmanh an um lo” tiah a ttial rih.

 “... minhlun auhnak nih ralkap thin a tawh ahcun, ram cung ah kum hrambu tam-ial chung ralkap cozah puarpen hrannak phuan rih lomi pawl kha a man tlawmpalte tal an liam a hau lai” tiah a ttial lengmang ko rih.

Khuacuan thiam pawl nih an timi cu: Holh le min kongah hiti i al lengmang hi a nuam lo ngai; acozah nih buainak faak pipi a ton cuahmah lio a si; Cawnnithum ni, (nihin) ah Parliament tonrualnak tuahtthan ding nih a si, an ti tiah Mizzima News nih a ttial.


Laica Kong

Interview Biahalnak

Minthang Thawng

Contact Us

Mailing Address
GLOBAL CHIN
MEDIA GROUP

215 Sand Beach Bvld,
Apt 107

Shreveport, LA 71105
USA

globalchinnews@gmail.com
_________________

Global Chin News is a non-profit news agency