Global Chin News

Thursday, Apr 24th

Last update09:44:08 PM GMT

Yakhine Ram ah Kala Minung 10 An Thah Hna

Rakhine State i thlanglei bik khua pakhat simi Taung Kok khua ah Muslim biaknak a biami Kala minung 10 cu Taung Kok khuami Rakhine miphun hna nih nihin June 6, 12 ni ah an thah hna. Mah tihin an thah mi hna aruang bikcu May ni 28 ni ah khan Yambye khua pawng ah Rakhine nungak kum 16 nute cu Kala pawl nih an tlaih hrem i an thah beh ruang ah a si tiah zumh a si.

An thahmi hna laki minung 7 hi Islam biaknak lei upa an si hna tiah theih a si. Adang 3 cu mawtawng mawngtu le Mawtaw mawngh bawmtu hna an si ti si rih.


Rakhine nungak no te a tlaihremtu hna cu Kala mino pathum an si i, an tlaih hrem hlei ah Kala pawl tuahto tawn ningin a kutket an cik i an thah beh. Mah ruang ah hin Rakhine minung tampi an thin a runh tuk hringhran i Kala pawl an hmuhnak paoh ah thah ding tiah heh tiah rak cawlcang len mi zong cu an rak um ve.


An thahmi hna hi Rangon lei ah akal dingmi an si i Yoma Titsa timi Bus cung ah ai cit cuahmah mi an si. Tuang Kok Bus gate chung ah mibu nih an but hna i kan thah hna lai an ti lio ah Bus cu an mawngh i an chuak, mortor cycle in an dawi i an phaknak hmun ah cun thilak in an tukvelh hna ti asi.

Taung Kok ah muslim pawl an phak hlan ahhin Yambye khua ah an tlaih hrem i an thah behmi nute hmanthlak cu an tar i, Kala duhlonak ca hna an rak zamh chung cang ti a si. (Ch: VOA Burmese, BBC Burmese )


Laica Kong

Interview Biahalnak

Minthang Thawng

Contact Us

Mailing Address
GLOBAL CHIN
MEDIA GROUP

215 Sand Beach Bvld,
Apt 107

Shreveport, LA 71105
USA

globalchinnews@gmail.com
_________________

Global Chin News is a non-profit news agency