Global Chin News

Thursday, Oct 23rd

Last update12:19:44 PM GMT

Ralkap Nih Chinram Ah Nu Tlaihhrem An Timh

  • PDF
alt
Paletwa Peng, Chinram – Kawl ralkap (LIB. 544) chung ralkap nih Upe khuate ah kum 13 hngakchia tlaihhrem a timh. December 27, zanlei sml. 5:00 hrawng ah Kawl ralkap pakhat nih hngakchia nu cu tlaihhrem a timh.

Upe khuate i a pitar a tlawng liomi kum 13 hngakchia nu cu, Kawl ralkap, commander Than Htun kuttang ralkap pakhat nih tlaihhrem a timh, a tuaitam.

“Khuami nih an hmuh hna i, cu thawngpang cu khulrang in pawngkam mikip nih an theih colh. Tlaihhrem timtu Kawl ralkap nih hngakchia nu sinah Ks. 90, 000 a liamh” tiah mithmu tehte nih a chim.

Cun, ralkap pa nih cun, khua upa pawl lungawiternak caah, zu le beer a  dangh hna; zu an dingei ṭi hna. Zanṭim hnu 2:00 hrawng ah commander U Than Htun cu zu ri tuk kaw, nu hung ka kawlpiak u tiah a kuttang a ralkap pawl nawl a pek hna.

Kawl ralkap nih thingtan he innkip ah an fuh hna i, kan commander caah nan fanule nan sian hna lo ahcun, na khuatepi in kan khangh dih lai tiah a tlerhkhonh hna. Nihsawh serhsatnak he, “Nannih aho nih dah nan kan report lai? Tactical Operations Commander sin ah maw, President Thein Sein sin ah dah nan kan report lai? Report tuahning hmanh nan thiam lo ti kan hngalh tuk” tiah an nihsawh, an aukhuanhhnawh hna.

Upe cu khua hmete a si i, Bangladesh le Rakhine ram he ramri ai hrawmmi khuate, Paletwa khuapi in khan (miles) 20 ai hlatnak hmun ah a ummi a si.


Reference website:

http://www.chinlandguardian.com/news-2009/1986-soldiers-attempted-rape-threatened-villagers-in-chin-state.html

Laica Kong

Interview Biahalnak

Minthang Thawng

Contact Us

Mailing Address
GLOBAL CHIN
MEDIA GROUP

215 Sand Beach Bvld,
Apt 107

Shreveport, LA 71105
USA

globalchinnews@gmail.com
_________________

Global Chin News is a non-profit news agency