Global Chin News

Tuesday, Jul 29th

Last update11:31:06 AM GMT

Indianapolis: Chin Community Zohkhenhnak Meeting An Tuah

  • PDF

Chin miphun thawng tampi umnak USA ram Indianapolis khua Indiana State ah Chin Community Indianapolis (CCI) nih Chin miphun zatlang zohkhenh kilkawinak kong he pehtlai in riantuan ding kong ceihhmainak meeting cu September ni 9, 2012 chun hnu suimilam 2pm ah an tuah. Cu meeting ah cun Chin miphun Khrihfa bu cio in Pastor le Khrihfa upa hna, cun adang dang in Chin miphun upa hna zong an kai ve.

Cu meeting cu Indianapolis khua ah ummi Chin Center ah tuah a si. Indianapolis khua khuasa upa minung (18) meeting an kai kho. Mah hi meeting ah hin Chin miphun upa tling ngai in an kai khawhnak kong cu GCN ah CCI nih thawng a kan thanh.

Chin Community Indianapolis i Chairman Pu Van Ceu Uk biatawi chimnak in meeting cu thawk a si i, Pastor Peter Dar Thanga hramthawk thlacamnak in meeting cu an peh.

Cutiin meeting i an ceihhmaimi agenda hna cu Chin miphun Kunza zuarnak kong, Zuding DUI le siaithalo tong mi hna kong, Kum tlinglo sianghngakchia nau pawi kong tbtk, hna cu Indianapolis chung Chin miphun hna khuasak thutdirnak kong he pehtlai in ceih hmai a si. Cu piin ah cun, Chin community nih Lawyer i ngeih khawh ding kong hna zong ceih a si.

Meeting ah bia an chah mi pawl cu, pakhatnak ah Community Awareness timi tuah ding in biakhiah a si. Indianapolis khua i Palek le Department of Human Services hna sin ah theihpinak lak i, catlang chuah i, dawrkip le khrihfa bu kip ah Kuanza zuar thatlonak kong, Kumtling lo nau pawi kong, DUI le sivai thalo hmang mi kong hna cu catlap in phawt zamh ding, cawnpiaknak hna tuah khawh ding in khuakhan ding tiin meeting biakhiahnak an ngei.

Cu bantuk ttuanvo hna lak ding caah cun, CCI upa hna lak ah tuanvo peknak zong cu an tuah chap.

Mah hi meeting ah a kai ve mi CYO President Dr. Salai Van Thawng Ling nih " Hi bantuk meeting kan ngeih khawh cu a tha ngai. Chin miphun ah Tedim, Falam, Hakha Thantlang tiin kan za te caah riantuan tti nak a si i, kan i lawm ngai. Kan ceihmi biapi bik pawl hna cu Chin dawr hna nih siseh inn ah pumpak in siseh Kuva (Kuanya) a zuar mi hna kong, cun Chin miphun lak ah rithai si tong mi hna le DUI le zu kong, sianginn kai lio mi nau pawi kong tbtk.. he pehtlai in CCI nih pratical tak in riantuan hram thawknak meeting a si i, lawm um ngai ko" tiah GCN sin ah a chim.

Indianapolis community chung cawlcanghnak caah September thla chung ah Marathon tliknak tbtk hna tuah ding le dang dang kong hna zong cu mah hi meeting ah ceih chih a si. - GCN - image credited to CCFA.org

Laica Kong

Interview Biahalnak

Minthang Thawng

Contact Us

Mailing Address
GLOBAL CHIN
MEDIA GROUP

215 Sand Beach Bvld,
Apt 107

Shreveport, LA 71105
USA

globalchinnews@gmail.com
_________________

Global Chin News is a non-profit news agency