Global Chin News

Thursday, Oct 23rd

Last update07:48:56 PM GMT

CACC He Laica Cawnnak, Mission Rian Hnatlaknak An Ser

  • PDF
alt

CACC - GS Rev. Dr. Lal Uk hruainak in Department Heads hna le lenglei upa le hlasak thiam hna he an zapi minung (10) hna cu Laica cawnnak le Mission riantuannak kong ceihmai dingin Sep 20-25 Matupi le Kanpalet an va tlawng.

September 22, Zarhteni ah Matupi Baptist Church ah Matupi khuanu khuapa, Khrihfabu kip hruaitu Pastor le upa, Siangcachim Saya/mah hna le sawmmi upa dang hna an zapi minung (70) he Laica cawnnak kong ah biaruahnak cu lungtho ngai in chunnitlak an ngei.

A donghnak ah lungkhatte in hnatlaknak le biafunnak an tuahmi cu, "Rampi Cozah nih Cozah sianginn i mah holh/ca cawn khawhnak a tuah tikah, Matupi Peng, Hakha peng le Thantlang peng thum komh cu "Laica" kan cawng lai ti a si.

Cozah sianginn Laica Cawn dingmi kongah Pyithawngsuh Fimthiamnaklei Vuanci zung nih Kalay University ah saya a tuan liomi Dr. Sang Hlei le Sayamah Sui Hliang tuanvo an pek hna i, cu kong ah cun CACC he Kalay ah voi khat tonnak an ngei cang.

Sep. 30 ah Hakha ah tonnak an ngei than lai. CACC GS le a hawile hna cu an kallei ah Mindat Association upa hna he, an tlunlei ah Kanpalet Association hruaitu upa hna he 2013 thawk in Mission riantuannak kong ceihmai tinak an ngei i a tlangpi in CACC he riantuan tinak ngei dingin hnatlaknak an tuah tiah theih a si. Ch. : The Hakha Post News

Laica Kong

Interview Biahalnak

Minthang Thawng

Contact Us

Mailing Address
GLOBAL CHIN
MEDIA GROUP

215 Sand Beach Bvld,
Apt 107

Shreveport, LA 71105
USA

globalchinnews@gmail.com
_________________

Global Chin News is a non-profit news agency