Global Chin News

Sunday, Oct 26th

Last update05:58:27 AM GMT

CARD Nih Lei le Lam Cawhnak Caah Facang Dip 3000 Leng Bawmh An Timh Hna

  • PDF
alt

“Hakha khua ah a dirmi CARD le WFP i bawm in mawtaw lam le saikel lam khan (meng) 25 cawhnak caah facang dip 1560 le lei (a dotdot) ekah 174 sernak/tuahnak caah facang dip 2610 bawmh an timh hna. Cu facang zong cu bawmh ding le kuat dingin timhtuahcia dih a si cang nain a kuat tu cu kan kua rih hna lo. Mawtaw, Saikel lam siseh, Lei (a dotdot) cawhnak program cu September in November (thlathum) chung ah lim ding in kan program a si” tiah CARD zung riantuan Amos Di Van nih Sept. 6 ni ah GCN sinah a chim. Mawtaw  lam chunh an timh hna khua hna cu; Lailen le Lawngthantlang karlak hi khan 7 a hlat i pe 10 kau mawtaw kal kho dingin chunh khawhnak caah khuami facang dip 480 bawmh an timh hna.  Khuabung-B le Zephai khua karlak cu khan 5 a hlat i pe 10 kau mawtaw lam chunh khawhnak ding caah facang dip 300 bawmh an timh hna.

Lawngtlang le Khuabung-A khua karlak cu khan 11 a hlat i saikel lam pe 6 kau in chunh khawhnak ding caah facang dip 500 bawmh an timh hna. Thau-A le Thau-B khua karlak cu khan 4 a hlat i mawtaw lam chunhnak ding caah facang dip 280 bawmh an timh hna.

A cheukhat khua cu riantuan hram a thawk cangmi zong an um tiah theih a si. Lei (a dotdot) chunh an timhmi khua, ekah le facang bawmh an timhmi zat cu a tanglei bantuk in a si.


Khua                               Ekah      Facang
Khuahrang                     20              Dip 300
Thangaw                         15              Dip 225
Fangthen                        20              Dip 300
Sentung                          10               Dip 150
Tisen-A                           12               Dip 180
Tisen-B                            8                Dip 120
Aibur                               20              Dip 300
Khuafo                            10               Dip 150
Thlualam                       15               Dip 225
Fungkah                         12              Dip 180
Tlangkhua                     20              Dip 300
Zabung                           12              Dip 180 hna an si.

CARD hi acozah sinah registration zong an tuah i pyine tiang cu an cohlan cang hna.

____________

Reporting by Conlo Thang

Laica Kong

Interview Biahalnak

Minthang Thawng

Contact Us

Mailing Address
GLOBAL CHIN
MEDIA GROUP

215 Sand Beach Bvld,
Apt 107

Shreveport, LA 71105
USA

globalchinnews@gmail.com
_________________

Global Chin News is a non-profit news agency