Ngandamnak caah eidin ttha hi an biapi tuk, duhmi le duh lomi ngeih hi ngandamnak caah a tha lo. Aa ruang tein rawl phunphun hi ei khawh ah hin ngamdamnak a um ti a si. Ei ding kongah sikaan ngeih lo hi ngandamnak caah a tthat lonak tampi a um ve.

Nifatin in kan eimi rawl chuathum cheukhat hi cu thingthei le thinghang hna hi an si khawh ahcun a ttha tukmi a si. Cancer, thau, zawtnak phun kip le lung-zawtnak hna an kham hna tiah research a tuahtu hna nih an chim.  

Changreu, facang, aalu le cung ti bantuk hna zong hi cheu thum cheukhat cu kan eimi rawl ah aa tal awk a si. Hi hna hi kan pum caah thazaang taktak petu an si. Cawhnuk hi cu eidin zia thiam a hau zeicahtiah a vitamin a that tuk caah a si. Ruh a ngandamnak caah le haa caah a tha tukmi a si.

Sa, nga, arti le pe hna pumrua thanchonak le sersiamnak caah a thami an si.

Cucaah eidin phunphun hna hi aa ruang tein kan ei hna ding a si. Tam tuk ei le tlawm tuk ei te hna hi ngandamnak caah a ttha ve lo. Kan pum le kan ngandamnak hoih in ei din khawh hi a thabikmi cu a si.

Tips Tlawmpal:

Punghman tein ei ding
Thingthei le thinghang tampi din ding
Ngasa tampi ei ding
Cini le a thaumi tam tuk ei lo ding
Cite tlawmte lawng ei ding: nikhat ah 6g lawng ei ding
Cawlcangh peng ding
Ti tampi in din ding
Breakfast lanhtak lo ding.

Hihi a tlangpiin kan ngandamnak caah a biapi ngami an si. Phun khat lawng ei lengmang hi a rak tha lo. Eidin a phunphun ei khawh ah hin kan pum chungah ngandamnak zong a um ve a phunphun in kan thangcho ve lai.