Global Chin News

Wednesday, Oct 01st

Last update09:47:01 PM GMT

Kum 2013 CYO Paih Buancotu Val Rung Lian He Itonnak

alt

GCN: Na khua, na chungkhar kong le na sianginn kainak kong na kan chim kho hnga maw?

RL: Ka khua hi Chuncung a si. Chuncung ah a chuak. Ka ngakchiat tein Chuncung khua ah ka um ii, kum 12 ka si tiang kha Chuncung ah ka um. Ka pa min hi Pu Si Hmung a si i, ka nu min hi Pi Tum Zing a si. Unau chuak 4 kan si. Kei hi a hniangbik chang ka si. Farle  2 ka ngeih hna.

Hight School hi tu kum bak in ka dih. Tascosa Hight School, Amarillo, Texas in a si.

GCN: Tukum CYO Conference paih zuamnak ah bualco a si tiah kan itheih. Ahlan ah tah na rak ipai in bual na rak co bal cang maw?

RL: Paih hi cu ka ngakchiat tein ka pai lo ti awk a si. Asinain tukum avoi 65nk Chin National Day ah khan Amarillo ah avoikhatnak kaa pai ti awk a si. Mah ahcun bual ka co. Cun! tutan CYO ka paih hi avoi 2nk a si.

GCN: Paih hi na huam phun hrimhrim maw a si? asiloah fialchom in dah na paih?

RL: Aw! Kei hi Aa-ka-sa lei poh hi cu fial ka hau lo. Ka lung nih a duhtukmi a si caah keimah te ka lung pek duh in aa pe vemi ka si ko.

GCN: A tubantuk zaangleknak phun ah hin paih lawng siloin adang na huammi zeidah a si?

GCN: Kei hi Bawlung chuih ka zuam.

GCN: Tutan nan ipaihnak kong he pehtlai in zeitindah paih nan chuah ningcang a si?

RL: Kan chuahning cu State pakhat ah minung 2 in thim kan si. Cun! mee kan zuh i thunabia ah number pakhat le number pakhat kan itong. Number pahnih le pahnih kan itong. A sungmi chuah colh, a awngmi kai ti a si.

GCN: Aa paimi na hmuhmi hna lakah ahodah na uar bik?

RL: Mahti ka uar bikmi cu Kap Tawng ka ti ko lai. Kap Tawng hi ka uar bik.

GCN: Kan Laipaih hi cawn hrimhrim a herh ko nati maw? asiloah aherh lem lo na hei ti dah?

RL: Keimah ka ruahning ahcun paih cawn hi a herh bak ko. Zeicahtiah cun Experience tampi kan ngeih a hau. Kan cawn deuh ahcun kan thiam deuh ve lai ii, kanmah zong kan iralring kho deuh ve lai.

GCN: Tutan paih na thawh ah hin eidin kongah na summi le na ei piak deuhmi tibantuk a um maw?

RL: Kei cu zeihmanh hrialmi ka ngei hlei lo. Keimah normal te bak ka si ko.

GCN: Paih kongah na chungkhar nih tha an in pe maw?

RL: Ka nu nih cun paih hi a duhtuk lo, ipai hlah a ka ti lengmang ta! Ka pa balte nih cun nano rih ko, ipai ve ko a ka ti. Tha zong a ka pek ngai. A zulh zong a ka zulh tutan CYO ah!..

GCN: Pakhatnak laksawng na hmuhmi nih hmailei na nunnak caah zeibantuk tha thawhnak dah an pek?

RL: Mah laksawng ka hmuhmi hi kei zong kaa lawmtuk ve. Zeicahtiah cun mah nih khin zuam duhnak lungthin tampi a ka pek. Hmailei ah mahnak thawng chinchin dingin keimah zong kaa zuam ve lai.  Mipi hmai zongah chuah than ka duh rih.

GCN: Hmailei ah paih a duh ngaimi na hawile mino caah biacah na duhmi zeidah a si?

RL: Biacah ding hi cu zei ka ngei lem lo.

GCN: Laimi nih paih hi kokek in kan i ngeihmi zaangleknak phunkhat a si caah mino nih kan thiam le kan cawn aherh ko tibantuk forhfialnak ngeih na duhmi a um maw?

Si! Ka duh ngai mah kha! Laimi tamdeuh nih paih khi kan uar pah dih ko ka ti lai cu! Cun! Laimi kan cikor zong in khin a si kan ti hnga maw? A chimdaan ka thiam ve lo. Zei kan ti lai! Mahti mipi hmai kan ipaih a si ahcun kan naule tete zong an lung a tho lai. cun! mah bantuk paih Aa-ka-sa tuah zong an lung nih a duh lai. Cucaah kan Lai mino nih kan Laipaih hi kan cawn le kan thiam aherh ko tiah forhfialnak ngeih ka duh hna.

GCN: CYO nih kum 2 dan ah an tuahmi, Conference nih hin mino hna caah zeibantuk thatnakdah a chuahpi tiah na ruah?

RL: Mahti vun phit awk ahcun a harbak nain keimah ka hmuhning ahcun atha tuk, mah an tuahmi hi! pakhat le pakhat itheihnak hna a kan pek. A thunabia ah state dang kan hawile hna he Online in cun kan ithei ko hna cu mu! Asinain CYO ah an rak ra cio, kanmah zong kan rak ra kho ve hna. Mah tikah  muihmuh in kan itong kho hna i atha tukmi a si. Tuah khawh lengmang zong rak kan zuampiak ko hna seh tiah chim ka duh.

GCN: Biaruahnak caan na kan pek caah kan ilawm.

RL: Kei zong ka lawmtuk ve.

Laica Kong

Interview Biahalnak

Minthang Thawng

Contact Us

Mailing Address
GLOBAL CHIN
MEDIA GROUP

215 Sand Beach Bvld,
Apt 107

Shreveport, LA 71105
USA

globalchinnews@gmail.com
_________________

Global Chin News is a non-profit news agency