| Article Index |
|---|
| Kawlmi ralkap cozah he ichawnh tik philhlo awk I ral rin ding pawl |
| Ralrin Awk pages 2nk |
| Ralrin Awk pages 3nk |
| Ralrin Awk pages 4nk |
| Ralrin Awk pages 5nnk |
| All Pages |
Pu Lian Uk ( MP) nih a tialmi " Kawlmi ralkap cozah he i chawnh tik philhlo awk i ralrin ding pawl" timi capar hi Chin Miphun a daw i Chin ram luatnak caah duhnak thinlung a ngeimi paoh nih cun a dih tiang nan rel ding in kan in forh ko hna. Minutes 15 rel a si i, minutes 15 chung ah Kawlram politics umtuning vialte cu a tlangpi in na fial dih lai. Laica edit tampi kan tuah pin ah a rel a awl deuhnak ding in cafang kan hman tawnmi normal nakin ngan deuh in kan rak tial. A sau deuhmi articles a si caah, pages 5 in kan then i, na rel dih tikah next timi kha na hmeh piak lai i a peh peh in na rel hna lai.
Kawlmi ralkap cozah he ichawnh tik philhlo awk I ral rin ding pawl
Pu Lian Uk
1. Daih remnak[remhdaihnak] ichawnh tikah Chan bia ruah chih ding philh lo awk bia hram:-
Hika zon[zawn] hi biapi theih le lungtlian hrim hrim a herh ngaimi a si caah kan nawlh leng mangmi asi. Chin, Kachin, le Shan ram thum hna hi anmahte cio in an i uk lio caan ah Mirang nih an ram kha a chimm ve hna i Kawlmi ramleng ram an sining in “Burma Frontier Areas (BFA)” ti in Kawlmi ram uknak a leng ah Mirang governor nih ramdangte in 1948 Kawlram bupi independence hlan chung vialte a rak ukmi hna an si. Vuleicung ralpi dih 1945 kum UNO an vun dirh tikah "Mi zei ram hmanh nih anmah miphun ram a si lomi penmi(colony) ram in uk mi ngei kho ti hna hlah seh. Anmah ram te in uknak aa serh kho mi vialte a uktu hna ram nih independence pe dih hna seh. Anmahte in aa uk kho rih lo mi in a uktu ram nih an hmuh mi hna cu UN nih an mahte an i uk khawh te ding ah cawnpiak pah in a zohkhenhchung mi hna ram UN Trusteeship timi ah pee dih hna seh" ti hi UNO bia kam upadica uk UN Charter timi ah upadi an rak tuah.
Mirang nih General Aung San kha Kawlram independence ah Chin, Kachin, le Shan ram an i tello ahcun Kawlram Independence kan in pe hna lailo an ti caah General Aung San nih BFA ram (Chin Kachin Shan) ram hna kha Kawlmi ram independence ah itel ding a hal mi asi ti khi lih long te hlennak bia bia thangchin lih an chimmi sawh a rak si. Cu UN upadining in India le Kawlmiram nih Independence cu lak ding an rak si cang. Asinain hi BFA ram thum hna nih anmahte an i-uk khawh lai ti Mirangnih an rak hmu lo. Cucaah BFA ram (Chin, Kachin Shan) ram hna cu Kawlmi ram an silo ruang ah UN nih zohkhenh chung mi uknak UN Trusteeship ah cun Mirang nih peek ding an rak ruah cang.
Cu lio can te ah Kawlmi ram independence kong Mirang cozah sin chim ding ah London a phan mi Kawlmiram nih an thlahmi phu hna nih General Aung San hruainak in hi BFA ram thum hna hi anmahte i uk ding an i serh kho rih lai lo ti Mirang cozah nih nan ruah hna ahcun UN nih an ser mi zohkhenhchung mi UN kut ah hi BFA ramthum nan peek hna ahcun an mah UN nih anmah zohkhen chung ding a thiah mi hna ram an um ding si kaw, cubantuk an mah BFA ramthum zohkhenhtu thiah piak ding ram ahcun an mah ram thum he aa neih bik mi kanmah Kawlmi ram nak thiah awk a tlak deuhmi ram dang an umlo ti mi ca Mirang cozah sinah an khin. Cutik ah Miran cozah nih Anmah BFA ramthum hna nih hi ralpi voihnihnak hnu ah an ram hi hmailei zeitin umter dah an duh ti an ruahnak hal nak ah Panglong ah an mah ramthum he conference kan tuah lai an ticaah Panglong ah conference tuah ding Mirang cozah le General Aung San hnatlak tti nak min an thut hna.
Panglong conference an thawk hlan ah General Aung San nih BFA hruaitu hna sin ah Kawl ram he Independence nan lak tti ah cun kanram zapi I uktti nak hi Federal(ramikomh ning uk nak phung ) in phung hram kan ttial lai I, UN zohkhenh nak chung nan um mi he aa lo in nan mahte i ukkhawhnak zeimawzat a um lai I, Cuti um nan i nuamh lo a si tik bia zongah nan mah dangte in Independence in nan um kho ko lai a rak ti hna. Curuang ah UN zohkhennak bantuk in ni khatkhat Independence in chuahkhawhnak a si ahcun tiah UN zohkhenhnak toi um chung nak he aa lo ko ti in Panglong hnatlaknak cu min an thut. Curuangte ah 1947 kum uknak phung hram zong ah ramkulh hna nih ramkomh bu chung in an chuah khawh nak ding lam upadi a rak um mi a sullam bik khi a si.
NGOs riantuantu pakhat nih USA ah ChinRalzaam kong a chim 
Pawngkam zohkhenh le thingram humhak tiah kan chim voi hra,.
Minung kan sining ah tthen-awktthalo in kan i ngeihmi ziaza lakah pakhat cu.
Ziah, Chin Miphun Ni cu a biapit lai lo i? 
Kawlmi ralkap cozah he i chawnh tik philhlo awk i ralrin ding pawl.
Muslim hi vawleicung ram kip ah a thangcho bikmi an si. 
MiMi
Comments
Amah belte (i) cafang komh hi editor nih remh piak hau mi tampi an um; (ii) Pu Lian Uk cattialmi ah hin tawite le fiangte in ttial ding asimi kha "nawicaw" deuh in a ttialmi tampi a um fawn. Amah hi mipum tlamtlinglo asi nain hi tluk in a kan ttialpiak mi cung ah kan i lawm hringhran. Asinain biatlaang (sentence) a nawicaw deuhmi pawl hi editor nih chim duhmi fiangtein 2nd round hung kan remh piak ulaw kan i lawm hnga. Hi tluk capar sunglawi chim duhmi a can ah fianglo huaha in ai ttial tikah careltu cheu khat chim duhmi sullam ah kan buai pah. Hi capar hi a sunglawimi capar asi caah fiang deuh in edit tuah i record ah chiah phu asi tiah ka hmuh caah ka ruahnak ka von chim vemi asi. Ka palh ahcun ka ngaithiam u.
Lairam dawtu Putar.
Na kan nunpi lioah hi bantuk hi tampi in kan tial piak rih ko. Oral tradition lawngin thil kan kalpikhawh te lai lo. Ref. tampi in UN bia le hla hi kan tial piak law a tha chinchin ko hnga. Nangmah bantuk hi Chinmi chungah kan chuak kho ti hnga dek maw?
Ka thin hi a lin bak ko eh !